Oito anos comprometidos co atletismo

Fecha de publicación: 02/09/2015 08:00

O vindeiro 19 de setembro ás 18.45 horas darase o pistoletazo de saída á Carreira Pedestre de Campañó-Gran Premio Hotel Rural Campaniola, enmarcada no Circuíto de Carreiras Populares de Pontevedra. Esta convocatoria naceu co obxectivo de promover o deporte na parroquia e logo de oito anos está xa consolidada como unha das citas imprescindibles no calendario galego de carreiras populares.

Como en anos anteriores, a organización agarda  que entre 600 e 700 corredores procedentes de distintos puntos de Galicia e Portugal tomen parte na competición que abrangue 9.650 metros de percorrido.

As persoas que queiran participar poden anotarse na web www.championchipnorte.com ata o día 16 de setembro. Por outra banda, os máis novos poderán correr nas carreiras para menores que comenzarán unha hora antes. Neste caso a  inscrición pode facerse no mesmo día da proba. 

 

 



© Hotel Campaniola, Pontevedra, España - WEB OFICIAL® - Todos los derechos reservados - Aviso legal - Política de privacidad - Política de cookies - Condiciones de contratación - Developed by Interactivos